Fréttir
Nýjustu fréttir, pistlar og uppfærslur á einum stað.
ESA lokar rannsókn á Lyfjavali án frekari aðgerða
Eftirlitsstofnun EFTA (ESA) hefur ákveðið að loka rannsókn sinni á meintri markaðsskiptingu á smásölumarkaði með lyf vegna starfsemi Lyfjavals ehf. Samkvæmt tilkynningu stofnunarinnar leiddi ítarleg greining og mat á gögnum til þeirrar niðurstöðu að ekki væri tilefni til að halda rannsókninni áfram.
4. nóvember 2026Tvö samrunamál samþykkt í fyrsta fasa og áframhaldandi þátttaka í mikilvægum viðskiptum
Við erum stolt af því að hafa aðstoðað Umbúðamiðlun ehf. við kaup á rekstri 1990 ehf., sem voru nýverið samþykkt af Samkeppniseftirlitinu án skilyrða í fyrsta fasa. Þessi niðurstaða bætist við röð spennandi verkefna sem við höfum unnið að á sviði samruna og fyrirtækjakaupa að undanförnu. Nýlega höfðum við einnig ánægju af því að ráðleggja Drangar hf. við kaup félagsins á Brauð & Co, einu þekktasta og sterkasta vörumerki landsins á markaði fyrir handverksbakarí.
19. október 2026Áfrýjunarnefnd samkeppnismála fellir úr gildi sektarákvörðun Samkeppniseftirlitsins gagnvart Landsvirkjun
Áfrýjunarnefnd samkeppnismála kvað í dag upp úrskurð þar sem felld var úr gildi ákvörðun Samkeppniseftirlitsins um að leggja 1,4 milljarða króna stjórnvaldssekt á Landsvirkjun. Málinu var vísað aftur til Samkeppniseftirlitsins til nýrrar meðferðar. Mörkin lögmannsstofa gætti hagsmuna Landsvirkjunar í málinu.
15. október 2026Mörkin lögmannsstofa var ráðgjafi Héðins við fjárfestingu VEX
Mörkin lögmannsstofa var ráðgjafi Héðins í tengslum við fjárfestingu VEX, en framtakssjóður í rekstri VEX hefur samið um kaup á nýju hlutafé sem samsvarar 34% hlut í Héðni eignarhaldsfélagi ehf., móðurfélagi Héðins hf. Núverandi eigendur selja ekki af sínum hlut og munu áfram leiða félagið ásamt nýjum hluthafa. Við óskum Guðmundi Sveinssyni, Halldóri Lárussyni, Eðvarði Inga Björgvinssyni og öllu starfsfólki Héðins til hamingju með þennan áfanga. Við þökkum jafnframt VEX og ráðgjöfum kaupanda, LOGOS og Deloitte, fyrir gott samstarf.
7. október 2026Mörkin lögmannsstofa ráðgjafar Malbiksstöðvarinnar við sölu á félaginu
Styrkás hf. hefur undirritað samning um kaup á öllu hlutafé Malbikstöðin ehf. ásamt lóðum félagsins á Esjumelum. Mörkin lögmannsstofa veitti seljanda, félagi í eigu Vilhjálms Þórs Matthíassonar, lögfræðiráðgjöf í viðskiptunum.
30. september 2026Ársfundur SCG Legal
Fulltrúar Markarinnar lögmannsstofu sóttu á dögunum ársfund SCG Legal, sem haldinn var í Washington, D.C., ásamt lögmönnum víðs vegar að úr heiminum. Á fundinum lét Gunnar Jónsson af hlutverki atkvæðisbærs fulltrúa stofunnar eftir 28 ára starf og hlaut „Above and Beyond“-viðurkenningu samtakanna. Peter Dalmay tók við keflinu af Gunnari.
23. september 2026Mörkin lögmannsstofa á lista Creditinfo yfir framúrskarandi fyrirtæki 17. árið í röð
Við erum stolt af því að vera meðal þeirra örfáu fyrirtækja sem hafa verið á listanum frá upphafi og jafnframt eina lögmannsstofan á Íslandi sem hefur hlotið þessa viðurkenningu öll sautján árin samfleytt. Við erum afar þakklát fyrir það traust sem okkur hefur verið sýnt í gegnum árin og hlökkum til að halda áfram að veita viðskiptavinum okkar vandaða, áreiðanlega og persónulega þjónustu.
15. júlí 2026Mörkin lögmannsstofa í Market Review: Cartels 2026 hjá Global Competition Review
Við erum stolt af því að Mörkin lögmannsstofa eigi hlut að Market Review: Cartels 2026, árlegri úttekt Global Competition Review á þróun samráðsmála á heimsvísu. Peter Dalmay, eigandi og lögmaður hjá stofunni, ritaði Íslandskaflann.
2. júlí 2026Mörkin tók þátt í gerð nýjustu stöðuskýrslu INSOL Europe um gjaldþrotamál
Nýjasta yfirlit INSOL Europe um þróun í gjaldþrotamálum varpar ljósi á stöðuna á Íslandi.
25. júní 2026Mörkin leiðir hagsmunagæslu vegna deiliskipulags við Suðurlandsbraut
Mörkin lögmannsstofa hf. tók að sér að gæta hagsmuna eigenda fasteigna við Suðurlandsbraut í tengslum við deiliskipulagstillögu svæðisins og fyrirhugaða borgarlínu, sem áður hafði verið samþykkt í borgarstjórn.